ہنی ٹریپ اور اغوا برائے تاوان کیس، خاتون سمیت 12 ملزمان پر فرد جرم عائد

12-12-2024

(لاہور نیوز) انسداد دہشت گردی عدالت نے ہنی ٹریپ اور اغوا برائے تاوان کے مقدمے میں ملوث خاتون سمیت 12 ملزمان پر فرد جرم عائد کر دی۔

ڈرامہ نگار خلیل الرحمان قمر کو ہنی ٹریپ اور اغوا برائے تاوان کے مقدمے میں پیش رفت، عدالت نے ملزمہ آمنہ عروج اور حسن شاہ سمیت 12 ملزمان پر فرد جرم عائد کر دی۔ آمنہ عروج سمیت دیگر ملزمان نے صحت جرم سے انکار کیا، عدالت نے پراسکیوشن کے گواہان کو شہادت قلمبند کرانے کیلیے طلب کرتے ہوئے مزید سماعت 20 دسمبر تک ملتوی کر دی۔ انسداد دہشت گردی عدالت لاہور کے جج ارشد جاوید نے کیس کی سماعت کی، ملزمان کو دوران سماعت عدالت میں پیش کیا گیا۔