سسرالیوں کے تشدد سے بہو کی ہلاکت، پوسٹ مارٹم رپورٹ منظر عام پر آ گئی

12-11-2024

(لاہور نیوز) تھانہ مغل پورہ کی حدود میں سسرالیوں کے تشدد سے بہو کی ہلاکت کی پوسٹ مارٹم رپورٹ منظر عام پر آ گئی۔

پوسٹ مارٹم رپورٹ کے مطابق مقتولہ انیقہ شوکت کو بدترین تشدد کا نشانہ بنایا گیا، تشدد کے باعث انیقہ شوکت کے جسم کے مختلف حصوں پر گہرے زخم آئے، دل کے پاس آنے والا زخم موت کی وجہ بنا۔ رپورٹ میں بتایا گیا کہ مقتولہ کے دل اور چھاتی پر گہرے زخم آنے کی وجہ سے دل میں خون جمع ہو گیا تھا، مقتولہ انیقہ کو سر پر بھی گہری چوٹ لگی۔ سمن آباد کی رہائشی انیقہ شوکت کو اسکے شوہر جنید اور سسرالیوں نے تشدد کرکے قتل کیا تھا، انیقہ شوکت کی 4 سال قبل مغل پورہ کے رہائشی جنید سے شادی ہوئی تھی۔