چینی کی قیمت میں 10 روپے سے زائد اضافہ

12-11-2024

(ویب ڈیسک) چینی کے نرخ میں اضافہ ہوگیا، چینی کی فی کلو قیمت 10 روپے سے زائد بڑھ گئی۔

گذشتہ دو ہفتوں کے دوران چینی کے ایکس مل ریٹ 115 روپے سے بڑھ کر 125 روپے تک پہنچ گئے ہیں۔ ملک میں چھوٹے دکاندار 15 سے 20 روپے کلو اضافے کے ساتھ چینی 140 سے 150 روپے کے درمیان فروخت کر رہے ہیں۔ نجی ٹی وی کے مطابق شوگر ڈیلرز نے چینی کے  تھوک  نرخ دسمبر میں 128 روپے کلو جبکہ جنوری 2025ء میں تھوک قیمت 133 روپے تک پہنچنے کا امکان ظاہر کیا ہے۔ اگر چینی کی تھوک  قیمت میں اضافہ ہوتاہے تو عام دکانوں پر بھی چینی کے فی کلو ریٹ میں مزید دس روپے تک اضافہ ہونے کا امکان ہے۔ شوگر ڈیلرز کا کہنا ہے کہ اگر حکومت نے اس معاملے کو سنجیدگی سے نہ لیا تو صورتحال سنگین ہونے کا خدشہ ہے۔