پہلا ٹی 20: جنوبی افریقہ کا پاکستان کیخلاف ٹاس جیت کر بیٹنگ کا فیصلہ

12-10-2024

(لاہور نیوز) ٹی 20 سیریز کے پہلے میچ میں جنوبی افریقہ نے پاکستان کیخلاف ٹاس جیت کر پہلے بیٹنگ کا فیصلہ کیا ہے۔

ڈربن میں ہونیوالے پاکستان اور جنوبی افریقا کے درمیان پہلے ٹی 20 میچ میں میزبان ٹیم کے کپتان ہینرک کلاسن نے ٹاس جیت کر پہلے بیٹنگ کرنے کو ترجیح دی ہے۔ جنوبی افریقا کیخلاف پہلے ٹی ٹوئنٹی میچ کیلئے قومی ٹیم میں کپتان محمد رضوان، بابر اعظم، صائم ایوب، عثمان خان، طیب طاہر، محمد عرفان خان نیازی شامل ہیں۔ اس کے علاوہ عباس آفریدی، شاہین شاہ آفریدی، حارث رؤف، سفیان مقیم اور ابرار احمد بھی پہلے ٹی ٹوئنٹی کیلئے قومی ٹیم کا حصہ ہے۔ شاہین فتوحات کا سلسلہ جاری رکھنے کیلئے پرعزم، جنوبی افریقہ کیخلاف ٹی 20 سیریز کیلئے قومی ٹیم کی بھرپور تیاریاں، پاکستانی ٹیم نے کنگز میڈ سٹیڈیم میں مشقیں کیں۔ پاکستان اور جنوبی افریقہ کے درمیان پہلا ٹی ٹوئنٹی میچ آج پاکستانی وقت کے مطابق رات 9 بجے شروع ہو گا۔ واضح رہے کہ قومی ٹیم کے کپتان محمد رضوان  نے اس عزم کا اظہار کیا ہے کہ امید ہے جیسے ٹیم نے آسٹریلیا اور زمبابوے میں پرفارم کیا یہاں بھی پرفارم کرے گی، پاکستان کے نئے کھلاڑیوں میں کافی ٹیلنٹ ہے، اوورسیز سیریز ہمیشہ مشکل ہوتی ہیں۔