میٹ سیفٹی ٹاسک فورس کا اچھرہ میں کریک ڈاؤن، مردہ مرغیوں کا گوشت برآمد

12-09-2024

(لاہور نیوز) میٹ سیفٹی ٹاسک فورس نے اچھرہ میں کریک ڈاؤن کرتے ہوئے گودام سے مردہ مرغیوں کا گوشت برآمد کر لیا۔

میٹ سیفٹی ٹاسک فورس نے خفیہ اطلاع ملنے پر کریک ڈاؤن کیا اور گھر میں بنے گودام سے مردہ مرغیوں کا گوشت برآمد کیا۔ ڈی جی فوڈ اتھارٹی عاصم جاوید کے مطابق ٹولنٹن مارکیٹ کے سپلائر گھر میں چھپ کر مردہ مرغیوں کا گوشت تیار کر رہے تھے، مکروہ دھندہ کرنے والا سپلائر موقع سے گرفتار، برآمد شدہ مضر صحت گوشت تلف کیا گیا۔ عاصم جاوید کا کہنا تھا ٹولنٹن مارکیٹ میں 19 دکانوں اور گاڑیوں میں موجود 40 ہزار کلو سے زائد مرغیوں کا معائنہ کیا گیا، مردہ مرغیوں کے کاروبار میں ملوث پوری چین کی ریکی کی جا رہی ہے۔