بگ بیش لیگ: میلبرن سٹارز کا پاکستان سٹینڈ متعارف کروانے کا اعلان

12-07-2024

(ویب ڈیسک) میلبرن سٹارز نے بگ بیش لیگ میں ایک بار پھر سے پاکستان سٹینڈ متعارف کروانے کا اعلان کر دیا۔

14 دسمبر سے شروع ہونے والی بگ بیش لیگ میں میلبرن سٹارز کے پہلے چار ہوم میچز میں فینز پاکستان بے میں بیٹھ سکیں گے، پاکستانی کرکٹ فینز کے لئے میلبرن کرکٹ گراؤنڈ میں خصوصی سٹینڈ ہو گا۔ پاکستان کے سپنر اسامہ میر اس ایڈیشن میں میلبرن سٹارز کے سکواڈ کا حصہ ہیں، اس سے قبل حارث رؤف میلبرن سٹارز کا حصہ تھے۔ میلبرن سٹارز کا کہنا ہے کہ یہ اقدام پاکستانی کھلاڑیوں کے فینز کو ایک پلیٹ فارم پر اکٹھا کرنے اور ان کی کھیل میں دلچسپی بڑھانے کے لئے کیا گیا ہے، ہم پاکستانی فینز کو اپنی سپورٹ کے اظہار کا موقع فراہم کرنے کے لئے ہمیشہ سے پرعزم رہے ہیں۔ میلبرن سٹارز کے دیگر نمایاں کھلاڑیوں میں آسٹریلیا کے گلین میکسویل، مارکس سٹوئنس اور انگلینڈ کے بین ڈکٹ شامل ہیں، میلبرن سٹارز کے پہلے چار ہوم میچز 18 دسمبر، 4، 9 اور 19 جنوری کو کھیلے جائیں گے۔