فارایسٹ چیمپئن شپ میں تیسری پوزیشن حاصل کرنے والی قومی ویٹ لفٹنگ ٹیم کی وطن واپسی

12-07-2024

(ویب ڈیسک) روس کے شہر سیخا لین میں ہونے والے فار ایسٹ چیمپئن شپ میں مجموعی طور پر تیسری پوزیشن حاصل کرنے والی 5 رکنی پاکستان ویٹ لفٹنگ ٹیم پاکستان واپس پہنچ گئی۔

میڈیا رپورٹ کے مطابق ایئرپورٹ پر ٹیم کا پرتپاک استقبال کیا گیا، اس موقع پر ڈاکٹر حافظ ظفر اقبال نے ٹیم کا استقبال کیا، کھلاڑیوں کو گلدستے پیش کئے گئے اور مبارکباد دی، دستگیر بٹ، نوح دستگیر بٹ، سجاد آمین ملک، آفتاب بٹ اور دیگر احباب گرامی استقبال کے لئے ایئرپورٹ پر موجود تھے۔ یاد رہے کہ پاکستان کی پانچ رکنی ٹیم  نے سیخا لین میں ہونے والے فار ایسٹ چیمپئن شپ میں ایک سلور میڈل اور دو برونز میڈلز حاصل کئے ہیں جو بہت بڑی کامیابی ہے جس میں نوجوان کھلاڑیوں کی شاندار کامیابیوں سے ویٹ لفٹنگ کا مستقبل روشن نظر آ رہا ہے۔