سول نافرمانی تحریک کا ابھی فیصلہ نہیں ہوا: شیر افضل مروت

12-06-2024

(لاہور نیوز) رہنما تحریک انصاف شیرافضل مروت نے کہا ہے کہ سول نافرمانی تحریک کا ابھی فیصلہ نہیں ہوا۔

دنیا نیوز کے پروگرام’’ٹو نائٹ ود ثمرعباس‘‘میں گفتگو کرتے ہوئے شیر افضل مروت کا کہنا تھا کہ بانی پی ٹی آئی  نے قیادت پر کبھی عدم اعتماد نہیں کیا، علی امین گنڈا پور  نے بشریٰ بی بی کو فائرنگ سے بچایا، بشریٰ بی بی کی بات کا مطلب لیڈرشپ پر الزام لگانا نہیں ہے۔ انہوں نے کہا کہ بشریٰ بی بی کا اعتراض علی امین گنڈا پور نہیں شاید ورکرز پر ہے، علی امین گنڈا پور اور عمر ایوب بشریٰ بی بی کے ساتھ تھے، ہمارا لیڈربانی پی ٹی آئی ہیں،عمران خان کی اہلیہ،بہنوں کا سیاست سےتعلق نہیں ہے۔ ان کا مزید کہنا تھا کہ سیاسی فیصلہ وہی ہوگا جوبانی پی ٹی آئی کا ہوگا، سول نافرمانی تحریک کا ابھی فیصلہ نہیں ہوا، مطالبات ہویا کال پارٹی قیادت کودینی چاہیے۔