پاکستان سمیت دنیا بھر میں آج رضاکاروں کا دن منایا جا رہا ہے

12-05-2024

(لاہور نیوز) پاکستان سمیت دنیا بھر میں آج رضاکاروں کا دن منایا جا رہا ہے۔

حب الوطنی اور جذبہ انسانیت سے سرشار رضا کاروں کی خدمات کو جتنا بھی سراہا جائے کم ہے، ہر سال 5 دسمبر کو خصوصی طور پر انسانیت کے ان مددگاروں کو خراج تحسین پیش کیا جاتا ہے، پہلی بار اقوام متحدہ کی جانب سے 1985ء میں یہ دن منانے کا اعلان کیا گیا تھا۔ ’’پائیدار ترقی کے اہداف کے حصول میں رضاکار کس طرح اپنا حصہ ڈالتے ہیں‘‘2024ء کا تھیم ہے۔ رضاکار کسی بھی معاشرے کا قیمتی اثاثہ ہوتے ہیں جو بلامعاوضہ بغیر کسی لالچ کے معاشرے کی تعمیر و ترقی میں اپنا کردار ادا کرتے ہیں، پاکستان میں بھی متعدد رضاکار تنظیمیں منظم طریقے سے اس کار خیر میں حصہ ڈال رہی ہیں، رضاکار تنظیموں سے منسلک افراد کا بنیادی مقصد لوگوں کی بے لوث مدد کرنا ہے۔ مشکل حالات سے نمٹنے کیلئے رضاکار جو کلیدی کردار ادا کر رہے ہیں وہ انتہائی قابلِ تعریف ہیں، ان کی جتنی قدر کی جائے کم ہے۔