اداکار فہد مصطفی نے برطانوی پارلیمنٹ میں بیک وقت 2 ایوارڈ زاپنے نام کر لئے

12-04-2024

(ویب ڈیسک)معروف اداکار و میزبان فہد مصطفیٰ کو حال ہی میں برطانوی پارلیمنٹ میں2 اہم ایوارڈز سے نوازا گیا ہے اور وہ یہ اعزاز حاصل کرنے والے پہلے پاکستانی بن گئے ہیں۔

فہد مصطفیٰ کو ہاؤس آف کامنز کی جانب سے ’ڈائیورسٹی اینڈ کلچرل امپیکٹ ایوارڈ‘ اور ہاؤس آف لارڈز کی جانب سے ’گلوبل کلچرل یونٹی ایوارڈ‘ دیا گیا۔اپنے انسٹاگرام پر تصاویر اور ویڈیوز شیئر کرتے ہوئے فہد مصطفیٰ نے لکھا کہ ’یہ ایوارڈ صرف ان کی نہیں بلکہ پاکستان کے ہر اس فنکار اور خواب دیکھنے والے کی کامیابی کی علامت ہے جو بڑے خواب دیکھنے کی ہمت رکھتا ہے اور انہیں پورا کرنے کے لیے ہر حد پار کرنے کو تیار ہوتا ہے۔  انہوں نے مزید کہا کہ ایک فخر سے بھرپور پاکستانی کی حیثیت سے یہ اعزاز حاصل کرنا ان کے لیے باعث عزت ہے۔ ہاؤس آف کامنز میں کھڑے ہو کر انہیں ہمیشہ پاکستان کے عوام کی بےپناہ طاقت، خوبصورتی اور صلاحیت کا احساس ہوتا ہے۔