ٹک ٹاکر شاہ تاج کا کرکٹر شاداب خان سے چند ماہ تعلقات رہنے کا انکشاف

12-04-2024

(ویب ڈیسک)معروف پاکستانی ٹِک ٹاکر شاہ تاج نے پاکستانی آل راؤنڈر شاداب خان سے 6سے 7 ماہ تک تعلقات میں رہنے کا دعویٰ کردیا۔

رپورٹ کےمطابق شاہ تاج نے نجی ٹی وی کے پروگرام  میں شرکت کی جس کی ویڈیو سوشل میڈیا پر خوب وائرل ہورہی ہے،جس میں وہ شاداب خان کیساتھ دوستی کا اعتراف کرتی نظر آرہی ہیں۔شاہ تاج نے بتایا کہ وہ شاداب خان پر فدا تھی وہ میرا کرش تھے اور یہ بات شاداب بھی جانتے تھے، مجھے صرف ان کی وجہ سے کرکٹ اچھی لگتی تھی، میں ان کی اتنی بڑی مداح تھی کہ صرف ان کی خاطر کرکٹ میچز دیکھنے لاہور تک گئی تھی۔ ان کا کہنا تھا کہ میں انتہا کی حد تک شاداب خان کو چاہتی تھی لیکن جب انہوں نے شادی کرلی تو میرا دل ٹوٹ گیا۔ٹِک ٹاکر نے دعویٰ کیا کہ ہم نے واٹس ایپ کے ساتھ ساتھ انسٹاگرام پر بھی تقریباً 6 سے 7 ماہ تک بات کی، میرے شاداب خان کے درمیان باضابطہ طور پر بات چیت ہوتی تھی، ہم دونوں کے درمیان اچھے روابط تھے لیکن اس باوجود آل راؤنڈر نے مجھے شادی سے متعلق آگاہ نہیں کیا تھا۔