پنجاب: اینٹی سموگ پلان کے تحت سرکاری و نجی گاڑیوں کی جانچ پڑتال کا فیصلہ

12-04-2024

(لاہور نیوز) وزیر اعلیٰ پنجاب مریم نواز نے اینٹی سموگ پلان کے تحت سرکاری اور نجی تمام گاڑیوں کی جانچ پڑتال کرنے کا فیصلہ کر لیا۔

اس حوالے سے جاری کئے گئے نوٹیفکیشن کے مطابق پنجاب بھر میں تمام گاڑیوں کیلئے فٹنس سرٹیفکیٹ لازمی قرار دے دیا گیا ہے، تمام چھوٹی بڑی گاڑیوں کو فٹنس سرٹیفکیٹ اتھارٹی سے تصدیق نامہ حاصل کرنا ہو گا۔ نوٹیفکیشن میں کہا گیا ہے کہ تمام وزارتوں اور ان کے ذیلی محکموں کے زیر استعمال تمام گاڑیوں کے فٹنس سرٹیفکیٹ حاصل کئے جائیں گے، پنجاب حکومت نے گاڑیوں کا معائنہ کرانے کیلئے 30 جنوری تک کی ڈیڈ لائن مقرر کر دی ہے تاہم تمام وزارتوں و محکموں کو اس تاریخ تک گاڑیوں کا معائنہ کرانے کی ہدایت کی گئی ہے۔