شہریار منور کی شادی کب اور کس سے ہو رہی؟ اداکار کا بڑا انکشاف

12-04-2024

(ویب ڈیسک) پاکستان شوبز انڈسٹری کے اداکار شہریار منور نے اپنی شادی کے حوالے سے تفصیلات بتا دیں۔

سوشل میڈیا پر وائرل ایک حالیہ انٹرویو میں اداکار نے اپنی دُلہن سے متعلق انکشاف کرتے ہوئے بتایا کہ ان کی شادی رواں ماہ ہی ہونے والی ہے۔ صحافی نے سوشل میڈیا پر شادی سے متعلق زیر گردش خبروں کا سوال کیا تو شہریار منور نے سیدھے الفاظ میں بتایا کہ دسمبر کے اختتام پر شادی کر رہا ہوں۔ صحافی نے  اہلیہ سے متعلق بھی پوچھا کہ کیا ان کا تعلق شوبز سے ہے تو اداکار نے انکار کرتے ہوئے کہا کہ جی بالکل نہیں۔ خیال رہے کہ رواں سال شہریار منور کی شادی کی خبریں وقتاً فوقتاً سوشل میڈیا پر گردش کرتی رہیں، اس حوالے سے اداکار نے اس سے قبل ڈھکے چھپے الفاظ میں اعتراف بھی کیا کہ وہ دسمبر میں شادی کے بندھن میں بندھ جائیں گے۔ اس سے پہلے شہریار منور نے اپنی ہونے والی اہلیہ کے حوالے سے کوئی بیان نہیں دیا تھا لیکن اپنی سالگرہ کے موقع پر اداکارہ ماہین صدیقی کے لیے جان کے الفاظ  کا استعمال کیا تھا جس کے بعد اداکار کا نام اداکارہ ماہین صدیقی کے ساتھ جوڑا جانے لگا تھا۔