پنجاب میں 8:15 سے پہلے سکول کھولنے پر پابندی عائد، نوٹیفکیشن جاری

12-03-2024

(لاہور نیوز) پنجاب میں سکولوں کے اوقات کار میں تبدیلی کر دی گئی، صبح 8:15 سے پہلے سکول کھولنے پر پابندی ہو گی۔

ڈی جی ماحولیات عمران حامد شیخ  کی جانب سے جاری نوٹیفکیشن کے مطابق سکول اوقات میں تبدیلی فوری نافذ العمل ہے، نوٹیفکیشن کے مطابق تمام سرکاری و نجی سکول 4 دسمبر 2024 سے صبح 8:15 کے بعد کھولنے کے پابند ہوں گے۔ نوٹیفکیشن میں کہا گیا ہے کہ ماحولیاتی تحفظ ایکٹ 1997 کے تحت جاری کیا گیا، خلاف ورزی کرنے والے سکولز کے خلاف قانونی کارروائی عمل میں لائی جائے گی، خلاف ورزی پر جرمانے اور سزا کا اطلاق ہو گا، ماحولیاتی آلودگی کی روک تھام کے لیے یہ اقدامات کیے گئے ہیں۔ عمران حامد شیخ کا کہنا تھا کہ سکول ایجوکیشن اور سپیشل ایجوکیشن ڈیپارٹمنٹس کو احکامات پر عمل درآمد کا پابند بنایا گیا، تمام کمشنرز اور ڈپٹی کمشنرز کو ہدایات جاری کرتے ہوئے فیصلے پر مکمل عمل درآمد کو یقینی بنانے کا حکم دیا گیاہے۔ انہوں نے مزید کہا کہ یہ فیصلہ طلبہ اور اساتذہ کی صحت کے تحفظ کیلئے کیا گیا ہے۔