ٹریفک کا شور ذہنی تناو اور بے چینی میں اضافے کا سبب بن سکتا ہے،ماہرین نے اہم بات بتا دی

12-01-2024

(ویب ڈیسک) ماہرین کی تحقیق میں معلوم ہوا ہےکہ ٹریفک کا شور قدرتی آوازوں کے مثبت اثرات کو نقصان پہنچا کر لوگوں کے ذہنی تناؤ اور بے چینی میں اضافہ کر سکتا ہے۔

تحقیق میں بتایا گیا تھا کہ چڑیوں کی چہچہاہٹ اور دیگر قدرتی آوازیں بلڈ پریشر، دل کی دھڑکن اور سانس میں تیزی کو قابو کر سکتی ہیں۔ محققین نے اپنے مطالعے میں لوگوں کو قدرت سے آنے والی آوازیں اور ٹریفک کے شور کے تین منٹ طویل ٹیپ سنانے سے پہلے اور بعد میں ان کے فوائد، نقصانات اور لوگوں کے مزاج پر پڑنے والے اثرات کا جائزہ لیا۔ محققین نے ایک بیان میں کہا کہ مطالعہ بتاتا ہے کہ قدرتی آوازیں ذہنی تناؤ اور بے چینی کو کم کر سکتی ہیں اور انسانوں کے سبب پیدا ہونے والی آوازیں جیسے کہ ٹریفک کا شور، ان آوازوں کے ممکنہ مثبت اثرات کو ختم کر سکتی ہیں۔ اس لیے شہروں میں ٹریفک کو کم کرنا لوگوں کے مثبت اثرات کے تجربے کے لیے ضروری ہے۔ تحقیق میں یہ بات سامنے آئی جب شرکاء کو قدرتی آوازیں سنائی گئیں تب ان میں ذہنی تناؤ اور بے چینی کم ہوئی اور ان کا مزاج بہتر ہوا۔ لیکن ٹیپ میں ٹریفک کی آوازیں شامل کرنے کے بعد ان قدرتی آوازوں کے فوائد محدود ہوگئے۔