سگیاں پل: ڈاکوؤں اورپولیس کے درمیان فائرنگ کا تبادلہ، ایک ملزم ہلاک

12-01-2024

(لاہور نیوز) سگیاں پل کے قریب ڈاکوؤں اور پولیس کے درمیان فائرنگ کا تبادلہ، نتیجے میں ایک ملزم ہلاک ہو گیا۔

پولیس کا کہنا ہے کہ ملزم عدیل مسیح لاہور سمیت پنجاب کے دیگر اضلاع میں ڈکیتی کی وارداتیں کر چکا تھا، عدیل مسیح کو نشاندہی پر لے جایا جا رہا تھا کہ ساتھیوں نے فائرنگ کر دی، زخمی عدیل مسیح کو مقامی ہسپتال منتقل کیا جا رہا تھا کہ زخموں کی تاب نہ لاتے ہوئے دم توڑ گیا۔ آرگنائزڈ کرائم یونٹ کے مطابق عدیل مسیح قصور کا رہائشی اور اشتہاری ملزم بھی تھا۔ ملزم فیصل آباد، قصور ،اوکاڑہ اور دیگر اضلاع میں پولیس کو مطلوب بھی تھا۔ سی آئی اے کوتوالی پولیس فائرنگ کر کے اپنے ساتھی کو ہلاک کرنے والے ملزمان کی تلاش میں سرچ آپریشن کیے جا رہے ہیں۔