پی ٹی آئی کا احتجاج، غیرقانونی افغانیوں کی موجودگی کے شواہد سامنے آ گئے

11-30-2024

(لاہور نیوز) پی ٹی آئی کے احتجاج کے دوران غیرقانونی افغانیوں کی موجودگی کے شواہد سامنے آ گئے۔

غیرقانونی افغان باشندوں کو پیسے دے کر احتجاج میں شرانگیزی کے لئے لایا گیا، گرفتار شدہ غیرقانونی افغان باشندے بیت اللہ کا کہنا تھا کہ میرا تعلق افغانستان سے ہے، ہمارے لوگ پولیس اور رینجرز کے اہلکاروں پر فائرنگ کر رہے تھے۔  افغان باشندے ابرار الحق نے بتایا پی ٹی آئی کے احتجاج میں علی امین گنڈا پور دو تین ہزار کی لالچ دیکر لایا اور فائرنگ کروائی، ہماری فائرنگ سے اسلام آباد پولیس کے اہلکار زخمی ہوئے، میری ڈیوٹی ایک گاڑی کیساتھ تھی جس میں اسلحہ پہنچایا جا رہا تھا۔  ایک اور افغان باشندے امان خان کا کہنا تھا میرا تعلق افغانستان کے صوبے قندھار سے ہے، میں نے خود اپنی آنکھوں سے دیکھا کہ پی ٹی آئی کے کارکن فائرنگ کر رہے تھے۔  غیرقانونی افغان باشندہ  پرویزخان نے بتایا ہمیں دو ہزار روپے دے کر یہاں باندھ دیا اور خود بھاگ گئے، یااللہ ہمارے پردے رکھ، میں غریب اور عاجز ہوں۔  پی ٹی آئی کے احتجاج میں لائے گئے افغان باشندے فضل حق  نے بتایا میرا تعلق افغانستان کے صوبے قندوز سے ہے، میری ڈیوٹی ایک گاڑی کے ساتھ تھی، درحقیقت اس میں پی ٹی آئی کے کارکن اسلحہ لیکر جا رہے تھے۔