پی ایم ایس کے تحریری امتحانات دو مراحل میں لینے کا فیصلہ

11-30-2024

(لاہور نیوز) پی ایم ایس کے تحریری امتحانات کو دو مراحل میں لینے کا فیصلہ کر لیا گیا۔

پنجاب پبلک سروس کمیشن کا اجلاس چیئرمین کی زیر صدارت منعقد ہوا جس میں سیکرٹری پنجاب پبلک سروس کمیشن اور ممبران  نے شرکت کی۔ فل کمیشن اجلاس میں فیصلہ کیا گیا کہ پنجاب پبلک سروس کمیشن پی ایم ایس 1200 نمبر کا تحریری امتحان دو مراحل میں  لے گا۔ پہلے مرحلے میں جنرل نالج پر مبنی 100 نمبر کا معروضی پرچہ 15 دسمبر 2024 کو لیا جائے گا، جنرل نالج کے امتحان میں کامیاب ہونے والے امیدوار ہی 1100 نمبر کے باقی مضامین کے امتحانات دینے کے اہل ہوں گے۔