کیا نیلم منیر شادی کے بند ھن میں بندھنے جا رہی ہیں؟مبینہ پوسٹ نے سوشل میڈیا پر ہلچل مچا دی

11-29-2024

(ویب ڈیسک)معروف اداکارہ نیلم منیر کے جلد ہی شادی کے بندھن میں بندھنے کی خبریں سامنے آنے لگیں۔

رپورٹ کےمطابق اداکارہ کی شادی سے متعلق معروف سوشل میڈیا بلاگر و سلیبریٹیز کے انتہائی قریبی عرفان نے انکشاف کیا ہے۔عرفانستان نامی پیج پر عرفان نے ایک پوسٹ شیئر کی جس میں بتایا گیا ہے کہ نیلم منیر اگلے ماہ یعنی دسمبر میں شادی کرنے والی ہیں جو متحدہ عرب امارات میں ہوگی۔ عرفان کی جانب سے شیئر کی گئی سوشل میڈیا پوسٹ وائرل ہوگئی تاہم انہوں نے یہ نہیں بتایا کہ اداکارہ کی شادی کس سے اور کس تاریخ کو ہونے جارہی ہے۔دوسری جانب اداکارہ نیلم نے بھی اپنے انسٹاگرام پر اس حوالے سے کچھ پوسٹ نہیں کیا۔یاد رہے کہ اس سے قبل بھی کئی مرتبہ نیلم منیر کی شادی کی افواہیں زیرِ گردش رہیں جس کے بعد اداکارہ نے ان افواہوں کی تردید کی۔